Əziz qazaxlılar və ağstafalılar,

hörmətli İctimai Birlik üzvləri!

Bildiririk ki, koronavirus pandemiyasına qarşı birgə mübarizə aparmaq üçün Prezident İlham Əliyevin çağırışından sonra biz də “Qazax” Xeyriyyə İctimai Birliyi İdarə Heyətinin adından həssas təbəqədən olan ailələrə köməklik göstərilməsi üçün Qazax və Ağstafa rayonlarından olan ziyalılara, iş adamlarına və imkanlı şəxslərə müraciət ünvanladıq.

Müraciətimizdən sonra cənab Prezidentin məlum – “Biz birlikdə güclüyük!” çağırışına qoşulmaq istəyən çoxlu sayda iş adamları, imkanlı şəxslər, ziyalılar Qazax və Ağstafa rayonlarında həssas təbəqədən olan ailələrə yardımlar etmək istədiklərini bildirdilər. Qeyd edim ki, Qazax rayon İcra Hakimiyyətinin başçısı Rəcəb Babaşov və Ağstafa rayon İcra Hakimiyyəti başçısının müavini Lalə xanım Eyyubovanın tapşırıqları əsasında şəhər, qəsəbə və kəndlərin icra nümayəndələri və bələdiyyə rəhbərləri tərəfindən həssas təbəqədən olan aztəminatlı ailələrin siyahıları hazırlanmışdır. “Qazax” Xeyriyyə İctimai Birliyinin təşkilatçılığı və rayon icra hakimiyyətinin nümayəndələrinin, könüllülərin və Birliyinin üzvlərinin iştirakı ilə yardımlar həmin siyahılar əsasında ünvanlara çatdlırılmışdır.

Qazax və Ağstafa rayonlarında aztəminatlı ailələrə edilən yardımlar barədə məlumatı ayrı-ayrı cədvəllər əsasında sizə təqdim edirəm.

Qazax rayonu üzrə.

Ağstafa rayonu üzrə.

Cədvəldən göründüyü kimi, “Qazax” Xeyriyyə İctimai Birliyinin təşkilatçılığı ilə 1167 ailəyə, bundan əlavə “Qazax” Xeyriyyə İctimai Birliyinin üzvləri tərəfindən ayrıca olaraq verilən yardımlar (*) işarəsi ilə qeyd edilmişdir.

“Qazax” Xeyriyyə İctimai Birliyinin təşkilatçılığı ilə verilən hər bir yardım səbətindəki ərzaq və yeyinti məhsullarının dəyəri 52-55 manat həcmində olmuşdur.

Bildirmək istəyirəm ki, Qazax rayonu üzrə 9279, Ağstafa rayonu üzrə 3112 pay olmaqla, ümumilikdə həssas təbəqədən olan 12391 aztəminatlı ailəyə yardım edilmişdir. Hər iki rayon üzrə 2430 ailəyə edilən yardım birbaşa “Qazax” Xeyriyyə İctimai Birliyinin üzvləri tərəfindən və Birliyin təşkilatçılığı ilə həyata keçirilmişdir. Yəni Qazax rayonu üzrə 1978 (1167*+114*+386*+141*+100*+70*), Ağstafa rayonu üzrə 452* (166*+100*+60*+66*+60*) ailəyə yardım edilmişdir.

Eyni zamanda, bu yardımlardan başqa əslən Ağstafadan olan və Moskva şəhərində yaşayan iş adamı Fazil Əmiraslanov da “Qazax” Xeyriyyə İctimai Birliyi ilə əlaqə saxlayaraq həssas təbəqədən olan 500 ailəyə yardım edəcəyi ilə bağlı məlumat versə də hələlik heç bir yardım etməmişdir.

Qeyd edim ki, bu məlumatlar Qazax Rayon İcra Hakimiyyəti, Ağstafa rayon İcra Hakimiyyəti və “Qazax” Xeyriyyə İctimai Birliyi tərəfindən Qazax və Ağstafa rayonları üzrə həssas təbəqədən olan ailələrə verilmiş yardımlar əsasında hazırlanmışdır. Ona görə də xüsusi olaraq bu işdə bizə daha yaxından kömək edən “Qazax” Xeyriyyə İctimai Birliyinin Qazax və Ağstafa rayonundan olan üzvləri akademik Teymur

Bünyadova, Xalq şairi Nəriman Həsənzadəyə, Millət vəkili Səməd Seyidova, Millət vəkili Nizami Cəfərova, Millət vəkili Ülviyyə Ağayevaya, Məmməd Musayevə, Kamran Nəbizadəyə, professor Əhməd Vəliyevə, professor Mustafa Babanlıya, Fuad Hacıyevə, Puşkin Əhmədova, Elmar Kərimova, Nadir Nəsibova, Elçin Carçıyevə, Alı Qocayevə, Tacəddin Mustafayevə, Qasım Abdullayevə, Tağı Əhmədova, Fikrət Hacıyevə, Mədət Səttarova, Kamal Axundova, Arzuman Abbasova, Namiq İsmayılova, Şöhrət Vəkilova, Rövşən Göyüşova, Ramiz Göyüşova, Xəyyam Sanıyevə, Şahin Şıxlinskiyə, Akif Abbasova, Elmir Mehdiyevə, Firdovsi Umudova, Həsrət Pirməmmədova, Fərman Qaramanlıya, Vasif Məhərrəmliyə, Arzuman Abdulkərimova, Natiq Əliyevə, Abid Məmmədova, İlqar Həsənova, Allahverən Piriyevə, Zahid İsayevə, Elxan Nabiyevə, Əhməd Hontuoğluna, Vüqar Kərimova, Elşad Məmmədova, Bəhruz Qaraqoyunluya, Əli Rəhimova, Süleyman Allahquliyevə, Tapdıq Osmanova, Allahverdi Qasımova, Sultanxanım Nəsibovaya, Valeh Nəsibliyə, Məqsəd Qocamanova, Elxan Kapcıllıya, Bayram Qorcuyeva, Eldəniz Qorcuyevə, Nazim Orucova, Şahid Orucova, Vuqar Süleymanova, Alı Yusifova, Məhəmməd Axundova, Rövşən Axundova, Surxay Ocaqova və adlarını çəkmədiyim çoxlu sayda insanlara dərin təşəkkürümüzü bildiririk.

“Qazax” Xeyriyyə İctimai Birliyinin müraciətinə qoşularaq el-obaya çətin günlərdə dəstək olmuş hər kəs bizim üçün bir qəhrəman, əvəzedilməz insandır. Hər zaman başınız uca olsun!

Təşkilati məsələlərdə daim bizə göstərdiyi böyük dəstəyə görə Qazax rayon İcra Hakimiyyətinin başçısı hörmətli Rəcəb Babaşova, Ağstafa rayon İcra Hakimiyyətinin başçısının müavini hörmətli Lalə xanım Eyyubovaya, kənd icra nümayəndələrinə, bələdiyyə sədrlərinə, könüllülərə, İctimai Birliyin üzvləri Zaməddin Həmişəyevə, Yusif Alıyevə, Fərhad Eyyubova, Səbinə Yusifə, Ələddin Kəsəmənliyə və bu işdə əməyi keçən hər bir üzvünə dərin minnətdarlığımızı bildirirk.

Bir daha böyük qürur hissi ilə bildirirəm ki, Azərbaycan xalqı bu çətin günlərdə də öz liderinin, Prezident İlham Əliyevin ətrafında sıx birləşərək ilkin olaraq bu bəladan maksimum az itkilərlə çıxmağı bacardı.

Eyni zamanda İctimai Birliyimiz bu çətin məqamlarda sizlərin sayəsində, həmrəylik və birlik göstərərək dövlətə, dövlətçiliyə, Azərbaycan Respublikasının Prezidentinə sadiq olduğunu nümayiş etdirdi. Əminəm ki, yenə də lazım olarsa nümunəvi addımlar ataraq bu yolda birgə böyük işlər görəcəyik.

Hər birinizlə fəxr edib, qürur duyduğumuzu bildiririk!

Dərin hörmətlə,

“Qazax” Xeyriyyə İctimai Birliyi İdarə Heyətinin sədri professor İlham Pirməmmədov.