Bu gün Əməkdar mühəndis Qasım Abdullayevin doğum günüdür

0
2837

Bu gün “Qazax Xeyriyyə” İctimai Birliyinin İdarə Heyətinin üzvü, texnika elmləri doktoru, “Şöhrət” ordenli, Əməkdar mühəndis Qasım İsrafil oğlu Abdullayevin 61 yaşı tamam olur.

Qasım Abdullayev Azərbaycanda metro-tunel tikintisinin inkişafında göstərdiyi misilsiz xidmətlərə görə ölkə rəhbərliyi tərəfindən orden-medallarla və fəxri adlarla təltif edilmişdir.

Qasım Abdullayev, həmçinin “Qazax Xeyriyyə” İctimai Birliyinin İdarə Heyətinin üzvü olaraq hər zaman təəsübkeş ziyalı kimi daim İctimai Birliyin bütün tədbirlərdə yaxından iştirak edir. Qasım Abdullayev 2018-ci ilin iyun ayında “Qazax Xeyriyyə” İctimai Birliyinin hesabat yığıncağında dövlət qarşısında yerinə yetirdiyi işlərə görə və anadan olmasının 60 illiyi münasibətilə Birliyin “Fəxri fərman”ı ilə təltif olunmuşdur.

“Qazax Xeyriyyə” İctimai Birliyi İdarə Heyətinin sədri professor İlham Pirməmmədov, İctimai Birliyin İdarə Heyətinin üzvləri akademik Teymur Bünyadov, Xalq şairi Nəriman Həsənzadə,  akademik Nizami Cəfərov, akademik Şahin Mustafayev, Puşkin Əhmədov, Arzuman Abdulkərimov, Yusif Alıyev İctimai Birliyin bütün üzvləri, o cümlədən Qazax mahalının ziyalıları adından Qasım Abdullayevi 61 yaşının tamam olması münasibətilə təbrik edir, ona can sağlığı, uzun ömür və işlərində müvəffəqiyyətlər arzulayırlar. 

 P.S.  Əslən Qazax rayonunun Muğanlı kəndindən olan Qasım Abdullayev 10 oktyabr 1957-ci də Tovuz rayonunun Aşağı Quşçu kəndində ziyalı ailəsində anadan olub.

1975-ci ildə Muğanlı kənd orta məktəbini bitirib.1980-ci ildə Azərbaycan İnşaat Mühəndisləri İnstitutunu körpü və tunellər ixtisası üzrə bitirib.

Əmək fəaliyyətinə 1980-ci ildə “Bakımetrotikinti” İdarəsində başlayıb. 1983-1993-cü illərdə “Bakımetrotikinti” İdarəsində sahə rəisi, 1993-1996-cı illərdə “Azərtunelmetrotikinti” ASC-nin Xüsusi Tamamlama İşləri İdarəsinin baş mühəndisi vəzifəsində çalışıb. 1996-cı ildə həmin idarənin rəisi təyin edilib. 1999-cu ildə “Azərtunelmetrotikinti” ASC-nin İstehsalat Texniki Komplektləşdirmə İdarəsinin rəisi vəzifəsinə təyin edilib və 2014-cü ilədək bu vəzifədə uğurla çalışmışdır.

Hal-hazırda dövlət qulluğunda çalışır.

Qasım Abdullayev Azərbaycan Respublikasında metro-tunel tikintisi sahəsində yeganə elmlər doktorudur. O, 2007-2011-ci illərdə Azərbaycan İnşaat Mühəndisləri Universitetində pedaqoji fəaliyyətlə məşğul olmuşdur.

Qasım Abdullayev 2007-ci ilin noyabrın 5-də Azərbaycan Prezidenti İlham Əliyevin sərəncamı ilə “Şöhrət” ordeni, 10 aprel 2017-ci il tarixdə isə  Azərbaycan Respublikasında tikinti kompleksinin inkişafında xidmətlərinə görə “Əməkdar Mühəndis” fəxri adı ilə təltif edilmişdir.

2002-ci ildən Yeni Azərbaycan Partiyasının üzvüdür.

Ailəlidir, 1 oğlu, 1 qızı və 4 nəvəsi var. 

BIR CAVAB BURAXIN

Please enter your comment!
Please enter your name here